Skip to content

Rusi, hyn në fuqi ligji antiduhan

June 1, 2013

Rusi, hyn në fuqi ligji antiduhanLigji për ndalimin e duhanpirjes dhe publicitetet në disa ambiente publike pritet të hyjë në fuqi gjatë ditës së shtunë në Rusi. 

Duhanpirja do të ndalohet në vendet e punës, në hyrjet e blloqeve të banimit, në autobusë dhe trenat e udhëtarëve, madje edhe në një distancë prej 15 metrash nga stacionet e trenave dhe aeroporteve.

Në 2014-n, ndalimi i tij do të zgjerohet me përfshirjen e restoranteve, bareve, anijeve dhe trenave. Rusia ka një nga përqindjet më të larta në botë të duhanpirjes, me rreth 40% të popullsisë duhanpirëse.

Ligji anti-duhan u nënshkrua nga presidenti, Vladimir Putin, në shkurt, si pjesë e planit të tij për të përmirësuar shëndetin publik, të rrisë jetëgjatësinë dhe të promovojë rritjen ekonomike.

Kryeministri, Dmitry Medvedev, tha se rreth 400 mijë rusë kanë vdekur nga sëmundjet e shkaktuara nga duhanpirja, gjatë vitit të fundit. Ndërkohë që ekspertët thonë se ligji nuk është diçka e re në Rusi, ata theksojnë se e rëndësishme është se si do të aplikohet ai.

“Ky ligj është i shkëlqyer, ai është në përputhje me kuadrin e konventës”, tha Nikolai Gerasimenko, një ish-zyrtar i shëndetësisë. “Por, më e rëndësishme për momentin është se si do të zbatohet ai”.

Ligji do të kufizojë gjithashtu shitjen e cigareve, si dhe do të ndalojë publicitetin apo sponsorizimin e eventeve të ndryshme nga kompanitë e ndryshme të duhanit. Ai thotë se në Rusi mund të blesh paketa cigaresh për më pak se 1 dollar (60 rubla).

Nga 1 qershori 2014, të gjitha kafenetë, baret, restorantet, hotelet, dyqanet, marketet, qendrat e shopping-ut, si dhe udhëtimet në distanca të largëta me anije apo trena do të çlirohen nga duhanpirja.

Shitja e paketave do të ndalohet gjithashtu nëpër kioskat e rrugëve, si dhe do të vendoset një çmim “dysheme” për cigaret.

From → Bota

Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: