Skip to content

Rumania, drejt njohjes së Kosovës

June 4, 2013

Rumania, drejt njohjes së KosovësKryeministri i Rumanisë, Victor Ponta ka deklaruar se është në favor të njohjes më të shpejtë të pavarësisë së Kosovës. 

Sipas raportimeve të mediave serbe, Ponta dhe ministri i Jashtëm i kabinetit të tij janë takuar me dy komisione parlamentare për të diskutuar nëse vendi duhet të lëvizë drejt njohjes së Kosovës.

Kreu i qeverisë ka informuar se, personalisht mendon se Rumania duhet të pajtojë qëndrimin e saj me atë të partnerëve evropianë lidhur me Kosovën, duke qenë se 22 vende anëtare të BE-së e kanë pranuar pavarësinë e saj.

Ai ka thënë gjithashtu se do të formohet një grup pune, i përbërë nga përfaqësues të diplomacisë rumune dhe deputetë, për të shqyrtuar zhvillimet e reja që lidhen me statusin e Kosovës.

“Nuk bëhet fjalë për asnjë vendim. Jemi pajtuar të formojmë një grup pune që do të merret me këtë çështje. Kemi rënë dakord se kjo temë nuk është tabu dhe se duhet të merremi me të”, ka thënë Ponta.

I pyetur nga mediat nëse Rumania pret që Serbia të njohë më parë Kosovën, zoti Ponta është përgjigjur duke thënë se: “Do të ishte qesharake që Rumania të mbetej mbrapa Serbisë”.

Rumania, bashkë me Greqinë, Spanjën, Sllovakinë dhe Qipron përbëjnë pesë vendet anëtare të BE që nuk e kanë njohur pavarësinë e Kosovës.

Megjithatë, muajin e kaluar Bukureshti zyrtar vendosi të njohë pasaportat kosovare, një sinjal pozitiv që jep gjithashtu shpresa për një ndryshim të qëndrimit rumun.

From → Rajoni

Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: