Skip to content

Pakistan, Sharif pritet të betohet si kryeministër

June 5, 2013

Pakistan, Sharif pritet të betohet si kryeministërNawaz Sharif pritet të betohet si kryeministri i ri i Pakistanit, të mërkurën, pas fitores së papritur me një diferencë të madhe votash në zgjedhjet e përgjithshme të muajit të kaluar. 

Emërimi i tij do të miratohet nga anëtarët e rinj të zgjedhur të parlamentit.

Sharif përballet me shumë sfida të vështira, përfshi këtu rigjallërimin e ekonomisë së dobët, si dhe dhënien fund të sulmeve të militantëve dhe atyre të dronëve (avionë të telekomanduar) amerikanë.

Ai bëhet kështu kryeministër për herë të tretë, dicka e paprecedent, pas fitores së zgjedhjeve në maj. Prioritetet e tij do të jenë rinovimi i ekonomisë dhe përmirësimi i sigurisë në vend, dy fusha që kërkojnë disa vendimmarrje të shpejta dhe të vështira, në një mjedis gjeo-strategjik të formuar dhe të kontrolluar nga ushtria.

Ndërkohë që kryeministri i ri është në favor të bisedimeve me talebanët pakistanezë, shumë të tjerë presin që, sapo ai të marrë pushtetin, ai do të pranojë pikëpamjen e ushtrisë se, të gjitha negociatat e mëparshme kanë dështuar dhe se opsioni i vetëm është luftimi i xhihadistëve, që sulmojnë objektiva të brendshme.

Ai vjen në fuqi në një moment kritik, në luftën kundër talebanëve, pasi forcat e NATO-s kanë nisur procesin e tërheqjes nga Afganistani.

Sharif ka folur vazhdimisht kundër sulmeve amerikane me dronë në Pakistan, edhe pse nuk e ka ende të qartë se si mund t’i japë fund këtyre ngjarjeve.

Projektet infrastrukturore janë një tjetër prioritet i rëndësishëm, pasi ai kërkon t’i japë fund ndërprerjeve të energjisë dhe të ndërtojë një tren për transportin e plumbit nga Karachi në Peshawar.

From → Bota

Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: